विविध पूजा / विधी

उदकशांति

काही कारणास्तव वास्तुशांत करणे शक्य नसल्यास अथवा घरामध्ये काही अघटित दुःखद घटना घडल्यानंतर वास्तुच्या शुद्धीसाठी उदकशांत केली जाते. ह्या पूजेमध्ये धुपाने निर्जंतुक केलेल्या कलशाची षोडशोपचार पूजा करुन घरातील बाधा, शाप, रोगराई इ. दूर होऊन सुख-शांति नांदावी अशा अर्थाचे मंत्र म्हटले जातात. त्या कलशातील पाणी घरातील सर्वांच्या अंगावर शिंपडले जाते व तीर्थ म्हणून सर्वांना दिले जाते. घरातील अशुभ उर्जा दूर करुन शुभ उर्जा प्रवाहित करण्याचा हा एक उत्तम उपाय आहे. वर्ष-सहा महिन्यांतून एकदा घरात उदकशांत केल्याने घरात कायम सुख-शांति व आरोग्य रहाते.